Thursday 11 February 2016

Season of Darkness : ഗന്ധങ്ങൾ


ഗന്ധങ്ങളിൽ ഏറ്റവും  മനോഹരം  ഏതാണ്? പലവിധ ഗന്ധങ്ങളും മനസ്സിൽ  വന്നു. ഓരോ  ഗന്ധങ്ങളും ഓരോ   ഓർമ്മകളാണ്. വാഴയിലയിൽ  പൊതിഞ്ഞ ചോറിന്റെ  ഗന്ധം  പാലക്കാടൻ യാത്രയുടെ ഓർമ്മയാണ് . ഡെറ്റൊലിനു  ആണെങ്കിലോ നീണ്ട  ഒരു ആശുപത്രി  വാസത്തിന്റെ.  പച്ചപ്പുല്ലിൻ ഗന്ധത്തിനു  നേര്യമംഗലത്തെ വിസ്തൃതമായ മൈതാനത്തിന്റെ.. ഒരിക്കൽ  കൂടി  ആ ഗന്ധങ്ങൾ അനുഭവിക്കുമ്പോൾ മനസ്സ് വർഷങ്ങളോളം പിന്നിലേക്ക്‌ പോകും . ഇടപ്പള്ളി  ആയെന്നു  പറഞ്ഞു  ഓടിയെത്തുന്ന  മോഡേൺ  ബ്രെഡിന്റെ  ഗന്ധം, ഉത്സവം കഴിഞ്ഞ അമ്പലപ്പറമ്പിൽ ഗജവീരന്മാർ ബാക്കി  വച്ച തിരുശേഷിപ്പുകൾ, രണ്ടു  എ യിൽ ഇരുന്നാൽ  വിശപ്പിന്റെ വരവ് അറിയിച്ചു  കുട്ടിചേച്ചിയുടെ ഉച്ചക്കഞ്ഞി.. ഗന്ധങ്ങൾ, അറിഞ്ഞോ  അറിയാതെയോ  ഒരുപാടു  കാര്യങ്ങൾ ഓർമ്മകളായി  ഉള്ളിൽ നിറച്ചിട്ടുണ്ട്. എന്നാൽ എന്നും  കാത്തിരുന്നിട്ടുള്ള  ഗന്ധം ഒന്നേ  ഒള്ളു. അത്  പുതുമഴയുടെ ഗന്ധമാണ്. മണ്ണും മനസ്സും കുളിർപ്പിച്ചെത്തുന്ന വേനൽ മഴയുടെ ഗന്ധം. അത്  നൽകുന്ന  നൊസ്റ്റാൾജിയ  ഒന്നും മറ്റൊന്നും  തന്നിട്ടില്ല . മഴ  പെയ്താൽ ജനൽ തുറന്നിട്ടു കാത്തിരിക്കുന്നതും  ഈ ഗന്ധത്തെയാണ് . മഴ കഴിഞ്ഞാൽ എല്ലാം  ശാന്തമായിരിക്കും . കലപില  കൂട്ടുന്ന കരിയിലകൾ മണ്ണിൽ മുഖം പൊത്തി കിടക്കും. പാറി  നടന്ന പൊടി സ്ഥലം വിട്ടിട്ടുണ്ടാകും . പറമ്പിന്റെ ഓരത്ത് പൊടിഞ്ഞ പുല്ലിൻ നാമ്പുകൾ അടിഞ്ഞു കൂടി പലവിധ  രൂപങ്ങൾ പൂണ്ടിടും . അന്തരീക്ഷം  മൊത്തത്തിൽ കഴുകി തുടച്ച് , പൂർത്തിയായ  ഒരു ചിത്രം  പോലെ   മനോഹരമാകും. ഒപ്പം  മണ്ണിന്റെ ആ  ഗന്ധവും . ഇന്നും ഇത്  എഴുതുമ്പോൾ  ഞാൻ ആ ഗന്ധം ആസ്വദിക്കയാണ് . മണ്ണിന്റെ മണമേ  മനം  നിറച്ചു  നീ ..

4 comments:

  1. Good one..... Enthokeyo ormakal manassilekk varunnu :)

    ReplyDelete
  2. മഴ മനോഹരമായ ഓർമ്മയാണു ☺️
    -anand

    ReplyDelete
    Replies
    1. Mazhayathu nadakkan ippozhum thonnarundo? :D

      Delete